Grußwort des Bürgermeisters

Moin mitnanner,

nu is dat weer sowiet … de Ensemble van’t „Komödie im Zollhaus“ spölt für uns Theater. De Schauspölerinnen und Schauspölers und all de Lü drumherum is’t weer to verdanken, dat wi uns dat Stück „Bloot kien S(sch)ex“ dit Johr ankieken könn’n.

Dat klingt ja all’s weer leep spannend, wat de Akteure ditmohl upföhr’n. Wat dat woll mit de „dubiose Postsendung“ up sück hett un wat Brigitte un Martin Kruse dormit to kriegen hemm. Worum sück de Moder van Martin mit sien Chef bi Brigitte un Martin inquarteren und off Paul woll noch wat retten kann ? Drunner un dröver geiht dat bestimmt, wenn Tina, Sina und Gina ock noch uptauchen.

Ick bün leep gespannt und frei mi düchtig up de neie Upföhrung van’t „Komödie im Zollhaus“.

All Tokiekers wünsch ick vööl Pläseer un een Bült to lagen.
De heel Ensemble wünsch ich een alltied tofree Publikum und een Sack vull Applaus bi jede Upföhrung.