„Moin mitnanner, dor bünd ji ja weer!“
Siet Anfang van d`Johr bünd ji to Gang de Stück „Twee unner een Deken“ van Cooney un Chapman up de Theaterbreeden van d´Zollhuus to brengen. Wi weeten al wo stur dat is, en Ruul mit Leven to füllen, to spöölen un denn ok noch de Vörstellen van de Regie umtosetten. Denn word dat noch mal umschmeeten, ümstellt oder villicht sogar streeken. An Enn bünnt al blied, dat ji uns mit de moijste Hobby de man hebb´n kann, twee Stünn`n lang begeistert.
Wi bünd gespannt, wenn de Döören openfleegen, wi bünd irritiert, wenn wi nah un nah de Överblick verlesen, wi freien uns mit jo, wenn an End doch weer allens in Lot is un ji uns blied van de Bühn ut towinken.
Ohn jo ehrenamtliche Vereensarbeit dee wat fehlen hier in uns beschauliche Leer, hier in uns Zollhuus.
Leev Grööte an al Schminktöösen, Bühn`nklüterers, Reqisitööre, Weertsfrolüü, Knoopendreihers un Luchtverstellers, Vörhangopenundichtdreihers, Stöönpaals un natürlich an jo Spöölers.
Een dicke TOI, TOI, TOI, un bannig vööl Spaaß
Leev Grööten van
De Beid´n – Theater up Platt e.V.
Holger, Nanno un Finn
